Byrkjelo Camping

      

Sør for tettstaden Byrkjelo, omkransa av majestetiske fjell, ligg Byrkjelo Camping. Landemerket Eggenibba ruvar i enden av dalføret. 

Anlegget har hytter i fleire storleikar og prisklasser. Romslege oppstillingsplassar for campingvogner, parkeringsluker med fast underlag for bubil. Teltplassar på plenområde nær elva.

Sanitærbygget inneheld kjøkken, vaskeri, toalett og dusjrom, familierom og HC baderom. Opphaldsrom og sitteplassar under tak. Gratis tilgong til trådlaust nett i fellesområda. 

På uteområdet er det ein stor leikeplass , grillhytte og bålplass.

Oppvarma symjebasseng, ope dagleg i skuleferien. 24.6.-16.8.  ( Det er inngongsbillett til badeanlegget : kr. 40,- pr.person for eigne gjester, 70,- for andre.  )  

Nærområdet har mange merka tur-ruter, alt frå familietur på sti eller grusveg i slakt terreng, til toppturar.  Jostedalsbreen nasjonalpark og Myklebustbreen er i nærleiken. Det er også fleire spektakulære fossefall i området, og velhaldne støylar i gangavstand eller med kort køyreavstand.  Om du er heldig, kan du sjå hjort eller reinsdyr på turen.  Spør oss i resepsjonen om turtips, eller oppsøk turistinformasjonen i nærbutikken . 

Kommunen vår, Gloppen, har fleire interessante kulturminne og historiske attraksjonar. Eit besøk i kommunesenteret vårt, Fjordlandsbyen Sandane, høyrer også med. Der kan du shoppe, eller ta ein tur til Trivselsskogen aktivitetsområde.

Det er også  dagsturavstand til Loen, Geiranger, Sognefjord, Vestkapp og andre kjede reisemål. 

Kiosk på plassen med enkelt vareutval i hovedsesong. Du finn også supermarked, lokalmat, bakeri og kafè, innan 100 - 250 m gangavstand. Bensinstasjon og bilverkstad i sentrum.

Nordfjordguide på nett

Fiske i Breim

Det er godt ørretfiske i området. Fiskekort for Breimsvassdraget får du kjøpt på campingplassen, eller andre utsalsstadar i kommunen. ft. Kr 60,- pr. dgn.

Vi har ikkje båtutleige sidan vi ikkje ligg ved innsjø, men det er fleire i nærområdet som leiger ut båt i Breimsvatnet, Sandalsvatnet eller Bergheimsvatnet.